22 Werurwe |
Liturijiya y'umunsi |
Leya yari umupfakazi utuye i Roma. Yatagatifujwe ahanini n’inyigisho za Mutagatifu Yeronimo wari waraje i Roma gufasha Papa imirimo. Leya na bagenzi be(Melaniya, Marsela, Pawula na Euzebi w’i Kremona) bamaze imyaka itatu Yeronimo abigisha kandi abayobora inzira y’ukwitagatifuza. Papa amaze gutanga, Yeronimo yagiye i Betelehemu, nuko ajyana n’abandi bose, leya we asigara i Roma. Nibwo yegutse ku mirimo yindi yakoraga. Yegukira gusa gusenga no gufasha imbabare. Mu myaka ya nyuma y’imibereho ye, yakoranyije abandi bapfakazi benshi, abatoza gusenga no gufasha abakene.
